Salaar Movie: ಪ್ರಶಾಂತ್ ನೀಲ್ ಪವರ್​ಫುಲ್ ಸಿನಿಮಾ ಸಲಾರ್​! ಪ್ರಭಾಸ್​ ಆ್ಯಕ್ಷನ್​ ಮಾಡಿದೆ ಕಮಾಲ್​!

ಸ್ಯಾಂಡಲ್​ವುಡ್ (Sandalwood) ಮೂಲಕ ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟ ನಿರ್ದೇಶಕ ಪ್ರಶಾಂತ್ ನೀಲ್ (Prashanth Neel), ಸ್ಟಾರ್​ ಡೈರೆಕ್ಟರ್ ಆಗಿ ಮಿಂಚುತ್ತಿದ್ದಾರೆ. ಸಲಾರ್ ಸಿನಿಮಾ ಅದ್ಧೂರಿಯಾಗಿ ತೆರೆ ಕಂಡಿದೆ. ಈ ಮೂಲಕ ಪ್ರಶಾಂತ್​ ಹ್ಯಾಟ್ರಿಕ್ ಬ್ಲಾಕ್​ಬಸ್ಟರ್​ ನೀಡಿದ್ದಾರೆ. ಸಲಾರ್ ಸಿನಿಮಾ ನೋಡಿದವರೆಲ್ಲಾ ಪ್ರಶಾಂತ್ ನೀಲ್ ಪವರ್​​ಫುಲ್​ ನಿರ್ದೇಶನವನ್ನು ಕೊಂಡಾಡುತ್ತಿದ್ದಾರೆ. ಕೆಜಿಎಫ್​ ಸಿನಿಮಾಗಳನ್ನು (KGF Movie) ನೀಡಿ ಬಾಲಿವುಡ್ ಬಾಕ್ಸ್ ಆಫೀಸ್ ಅಲುಗಾಡಿಸಿದ್ದ ಪ್ರಶಾಂತ್ ನೀಲ್, ಸಲಾರ್ ಸಿನಿಮಾ (Salaar Movie) ಮೂಲಕ ದೇಶ-ವಿದೇಶಗಳನ್ನು ಸಖತ್ ಸದ್ದು ಮಾಡ್ತಿದ್ದಾರೆ.

ಸಲಾರ್ ಸಿನಿಮಾದಲ್ಲಿ ಅದ್ಧೂರಿ ಆ್ಯಕ್ಷನ್​

ಖಾನ್ಸಾರ್​ ಸಿಟಿಯ ವೈಭವವನ್ನು ಪ್ರೇಕ್ಷಕರ ಕಣ್ಣ ಮುಂದೆ ಇಡುವಲ್ಲಿ ಪ್ರಶಾಂತ್ ನೀಲ್ ಗೆದ್ದಿದ್ದಾರೆ. ನಿರ್ದೇಶಕ ಪ್ರಶಾಂತ್ ನೀಲ್​ ವೈಲೆನ್ಸ್ ಸಿಟಿಯನ್ನು ತೋರಿಸುವ ರೀತಿ ಅದ್ಬುತವಾಗಿದೆ. ಬ್ಲ್ಯಾಕ್ ಶೇಡ್​​ನಲ್ಲಿ ಸಿನಿಮಾ ಮುಂದುವರೆಯುತ್ತದೆ. ದೇವ ಹಾಗೂ ವರದರಾಜ್ ಬಾಲ್ಯದ ಸ್ನೇಹವನ್ನು ಪ್ರಶಾಂತ್​ ನೀಲ್​ ಮನಮುಟ್ಟಿವಂತೆ ಪರದೆ ಮೇಲೆ ತಂದಿದ್ದಾರೆ.

ಯಶಸ್ಸಿನ ಓಟ ಮುಂದುವರೆಸಿದ ಪ್ರಶಾಂತ್ ನೀಲ್

ಪ್ರಶಾಂತ್ ನೀಲ್ ಗೆಲುವಿನ ಓಟ ಮುಂದುವರೆಸಿದ್ದಾರೆ. ಉಗ್ರಂ ಸಿನಿಮಾ ಮೂಲಕ ಪ್ರತಿಭಾನ್ವಿತ ಡೈರೆಕ್ಟರ್ ಎಂದು ಕರೆಸಿಕೊಂಡಿದ್ದ ಪ್ರಶಾಂತ್ ನೀಲ್, ಕೆಜಿಎಫ್​ 1 , ಕೆಜಿಎಫ್ 2 ಸಿನಿಮಾ ಸಕ್ಸಸ್​ ಮೂಲಕ ಸ್ಟಾರ್ ಡೈರೆಕ್ಟರ್ ಆದ್ರು. ಸಲಾರ್ ಸಿನಿಮಾ ಮೂಲಕ ಹ್ಯಾಟ್ರಿಕ್ ಗೆಲುವಿನ ಓಟವನ್ನು ಮುಂದುವರೆಸಿದ್ದಾರೆ.

‘ಸಲಾರ್’​ಗೆ ಸೆಲ್ಯೂಟ್ ಹೊಡೆದ ಮಾಸ್ ಫ್ಯಾನ್ಸ್​!

ವಿಚ್​ ಈಸ್​ ವೈಲೆಂಟ್ ಸಿಡಿ ಅಂತಾನೇ ಕ್ಯಾಪ್ಶನ್ ಕೊಟ್ಟು ರಿಲೀಸ್ ಮಾಡಿದ ಸಲಾರ್ ಸಿನಿಮಾದ ತುಂಬಾ ವೈಲೆನ್ಸ್ ಜೋರಾಗಿದೆ. ​​ಮಾಸ್ ಸಿನಿಮಾ ಇಷ್ಟಪಡುವವರಿಗೆ ಇದು ಅದ್ಬುತ ಲೋಕವನ್ನೇ ಕಣ್ಣ ಮುಂದೆ ತೆರೆದಿಡುತ್ತೆ. ಮಾಸ್​ ಮಹಾರಾಜ್ ಪ್ರಭಾಸ್​ ಅಬ್ಬರ ಅಭಿಮಾನಿಗಳ ಕಣ್ಣುಕುಕ್ಕುವಂತೆ ಮಾಡಿದ್ದು, ಮತ್ತೆ ‘ಛತ್ರಪತಿ’ ಅವತಾರದಲ್ಲಿ ಪ್ರಭಾಸ್ ಕಂಡು ಫ್ಯಾನ್ಸ್ ಖುಷ್ ಆಗಿದ್ದಾರೆ.

ಸಲಾರ್​ ಸುನಾಮಿ ಹವಾ ಜೋರೋ ಜೋರು

ಖಾನ್ಸಾರ್ ಕಾಳಗವನ್ನು ಸಿನಿಪ್ರೇಮಿಗಳು ಕಣ್ತುಂಬಿಕೊಳ್ತಿದ್ದಾರೆ. ಸಲಾರ್ ರಿಲೀಸ್ ಹಿನ್ನೆಲೆ ನಿನ್ನೆ ಮಧ್ಯರಾತ್ರಿಯಿಂದಲೇ ಸೆಲೆಬ್ರೇಷನ್ ಜೋರಾಗಿದೆ. ಪ್ರಭಾಸ್​ ಅಭಿಮಾನಿಗಳು ಎಲ್ಲೆಡೆ ಹಬ್ಬ ಆಚರಿಸಿದಂತೆ ಸಂಭ್ರಮಿಸುತ್ತಿದ್ದಾರೆ. ಆಂಧ್ರ ಪ್ರದೇಶ ಹಾಗೂ ತೆಲಂಗಾಣದಲ್ಲಿ ಮಧ್ಯರಾತ್ರಿ ಒಂದು ಗಂಟೆ ಶೋಗೆ ಸಿನಿಮಾ ರಿಲೀಸ್​ ಮಾಡಿದ್ರೆ. ಕೇರಳ ಸೇರಿದಂತೆ ಹಲವೆಡೆ ಬೆಳಗಿನ ಜಾವ 4 ಗಂಟೆಗೆ ಶೋ ಶುರುವಾಗಿದೆ.

6 ಸಾವಿರಕ್ಕೂ ಹೆಚ್ಚು ಸ್ಕ್ರೀನ್​ಗಳಲ್ಲಿ ಸಲಾರ್ ಅಬ್ಬರ

ದೇಶದಾದ್ಯಂತ 6 ಸಾವಿರಕ್ಕೂ ಹೆಚ್ಚು ಸ್ಕ್ರೀನ್​ಗಳಲ್ಲಿ ಸಲಾರ್ ಸಿನಿಮಾ ರಿಲೀಸ್ ಆಗಿದೆ. ಮಲ್ಟಿಫ್ಲೆಕ್ಸ್ ತಾರತಮ್ಯದ ಹಿನ್ನೆಲೆ ಕೆಲ ಮಲ್ಟಿಫ್ಲೆಕ್ಸ್​ನಲ್ಲಿ ಸಲಾರ್ ರಿಲೀಸ್ ಆಗೋದಿಲ್ಲ ಎನ್ನುವ ಸುದ್ದಿ ಹಬ್ಬಿತ್ತು. PVR ಮಲ್ಟಿಫ್ಲೆಕ್ಸ್ ಸಲಾರ್​ ಸಿನಿಮಾವನ್ನು ಎಲ್ಲಾ ಮಲ್ಟಿಫ್ಲೆಕ್ಸ್​ಗಳಲ್ಲೂ ರಿಲೀಸ್​ ಮಾಡುವುದಾಗಿ ಹೇಳಿ ಸಮಸ್ಯೆ ಬಗೆಹರಿಸಿತ್ತು. ಎಲ್ಲೆಡೆ ಸಲಾರ್ ಅಬ್ಬರದ ಪ್ರದರ್ಶನ ಕಾಣ್ತಿದೆ.