ಯಾವಾಗಲೂ ಎಸಿಯಲ್ಲಿ ಕುಳಿತು ಕೆಲಸ ಮಾಡೋರಿಗೆ ಈ ತರಹ ತೊಂದರೆ ಆಗುತ್ತಂತೆ!

ವರ್ಷದಲ್ಲಿ ಎಲ್ಲಾ ಕಾಲಗಳು ಒಂದೇ ತರಹ ಇರುವುದಿಲ್ಲ. ಒಮ್ಮೆ ಬೇಸಿಗೆ, ಇನ್ನೊಮ್ಮೆ ಮಳೆಗಾಲ ಮತ್ತೊಮ್ಮೆ ಚಳಿಗಾಲ ಇರುತ್ತದೆ. ಅದರಲ್ಲೂ ಈ ಬಾರಿ ಬೇಸಿಗೆ ಎಷ್ಟು ವರ್ಷಗಳು ಕಳೆದರೂ ನೆನಪಿಟ್ಟುಕೊಳ್ಳುವಂತೆ ಮಾಡಿದೆ. ಅಂದರೆ ಅಷ್ಟೊಂದು ಬಿಸಿಲು ನಮ್ಮನ್ನು ಕಂಗಡಿಸಿದೆ.

ಅತಿಯಾದ ಬಿಸಿಲಿನ ಕಾರಣದಿಂದ ನಾವು ನಮ್ಮ ದೇಹವನ್ನು ತಂಪಾಗಿ ಇಟ್ಟುಕೊಳ್ಳಲು ಅನೇಕ ವಿಧಾನಗಳನ್ನು ಪ್ರಯತ್ನಿಸುತ್ತೇವೆ. ಕೆಲವರು ಈ ಸಂದರ್ಭದಲ್ಲಿ ಮನೆಗಳಿಗೆ ಎಸಿ ಹಾಕಿಸಿಕೊಂಡು ನೆಮ್ಮದಿಯಾಗಿರೋಣ ಎಂದುಕೊಳ್ಳುತ್ತಾರೆ. ಇನ್ನು ಕೆಲಸ ಮಾಡುವ ಸ್ಥಳಗಳಲ್ಲಿ ಕೂಡ ಎಸಿ ಇದ್ದೇ ಇರುತ್ತದೆ. ನಿರಂತರವಾಗಿ ಎಸಿ ವಾತಾವರಣದಲ್ಲಿ ಇದ್ದರೆ ಯಾವ ರೀತಿಯ ಆರೋಗ್ಯ ಸಮಸ್ಯೆಗಳು ನಮ್ಮನ್ನು ಕಾಡಬಹುದು ಎಂಬುದನ್ನು ಇಲ್ಲಿ ತಿಳಿಸಿಕೊಡಲಾಗಿದೆ.

ಚರ್ಮ ಮತ್ತು ಕಣ್ಣುಗಳು ಒಣಗುತ್ತವೆ!

• ಏರ್ ಕಂಡಿಷನ್ ಇರೋ ಜಾಗಗಳಲ್ಲಿ ತೇವಾಂಶ ಕಡಿಮೆ ಇರುತ್ತದೆ ಎಂದು ಹೇಳುತ್ತಾರೆ. ಹೀಗಾಗಿ ಇದು ಕಣ್ಣುಗಳ ಹಾಗೂ ಚರ್ಮದ ಭಾಗದಲ್ಲಿ ಒಣಗುವ ಹಾಗೆ ಮಾಡುತ್ತದೆ ಮತ್ತು ಹೆಚ್ಚು ಕಿರಿಕಿರಿ ಉಂಟಾಗುತ್ತದೆ.
• ಇದು ಕೆಲವರಿಗಂತು ಕಣ್ಣುಗಳ ಭಾಗದಲ್ಲಿ ಕೆರೆತ, ಕಣ್ಣು ಕೆಂಪಾಗುವುದು ಮತ್ತು ಇನ್ನಿತರ ತೊಂದರೆಗಳು ಕಾಣಿಸಿಕೊಳ್ಳುತ್ತವೆ. ಹೀಗಾಗಿ ಎಸಿ ಇರುವ ಜಾಗದಲ್ಲಿ ಹ್ಯೂಮಿಡಿಫೈರ್ ಬಳಸುವುದು ಉತ್ತಮ. ಇದರಿಂದ ಕಣ್ಣುಗಳಿಗೆ ಮತ್ತು ತ್ವಚೆಗೆ ಉತ್ತಮ ತೇವಾಂಶ ಸಿಗುವಂತೆ ಆಗುತ್ತದೆ.

• ಉಸಿರಾಟದ ತೊಂದರೆಗಳು

  
  • ಏರ್ ಕಂಡೀಶನ್ ಸಾಮಾನ್ಯವಾಗಿ ತಂಪಾದ ಮತ್ತು ಒಣ ಗಾಳಿ ಬರುವಂತೆ ಮಾಡುತ್ತದೆ. ಇದು ನಮ್ಮ ಉಸಿರಾಟ ವ್ಯವಸ್ಥೆಗೆ ತೊಂದರೆ ಉಂಟು ಮಾಡುತ್ತದೆ.
  • ಉದಾಹರಣೆಗೆ ಅಸ್ತಮಾ, ಅಲರ್ಜಿ ಮತ್ತು ಉಸಿರಾಟದ ವ್ಯವಸ್ಥೆಯ ಸೋಂಕುಗಳು ಕಂಡುಬರುತ್ತವೆ. ದೀರ್ಘಕಾಲ ಎಸಿ ಗಾಳಿಯಲ್ಲಿ ಕೆಲಸ ಮಾಡುವವರು ಬಹಳ ಬೇಗನೆ ಕೋಲ್ಡ್ ಅಥವಾ ಜ್ವರ ಕೂಡ ಕಂಡುಕೊಳ್ಳುವ ಸಾಧ್ಯತೆ ಇರುತ್ತದೆ.
  • ಉಸಿರಾಟ ವ್ಯವಸ್ಥೆಯ ಮೇಲೆ ಎಸಿ ಗಾಳಿಯ ಪ್ರಭಾವದಿಂದ ಎದುರಾಗುವ ಆರೋಗ್ಯ ತೊಂದರೆಗಳು ದೈಹಿಕ ಹಾಗೂ ಮಾನಸಿಕ ಸಮಸ್ಯೆಗಳನ್ನು ತಂದುಕೊಡುತ್ತವೆ.

  • ಮಾಂಸ ಖಂಡಗಳು ಹಿಡಿದುಕೊಳ್ಳುವುದು ಮತ್ತು ಕೀಲು ನೋವು ಬರುವುದು

    
    • ಎಸಿ ವಾತಾವರಣದಲ್ಲಿ ಧೀರ್ಘಕಾಲ ಕುಳಿತು ಕೆಲಸ ಮಾಡುವುದ ರಿಂದ ಅಥವಾ ಅಲ್ಲಿಯೇ ಹೆಚ್ಚು ಸಮಯ ಕಳೆಯುವುದರಿಂದ ನಮ್ಮ ದೇಹದ ತಾಪಮಾನ ಕಡಿಮೆಯಾಗುತ್ತದೆ. ಇದು ಕೈ ಕಾಲು ಹಿಡಿದು ಕೊಳ್ಳುವುದು, ಕೀಲು ನೋವು ಬರುವುದು, ಮಾಂಸ ಖಂಡಗಳ ಸೆಳೆತ ಉಂಟಾಗುವುದು, ಇತ್ಯಾದಿ ತೊಂದರೆಗಳು ಆಗುತ್ತವೆ.
    • ಅದರಲ್ಲಿಯೂ ವಿಶೇಷವಾಗಿ ಮೊದಲೇ ಇಂತಹ ಆರೋಗ್ಯ ಸಮಸ್ಯೆ ಇರುವವರಿಗೆ ಈ ತರಹದ ತೊಂದರೆಗಳು ಜಾಸ್ತಿ ಆಗುತ್ತವೆ.
    • ಇಂತಹ ಸಂದರ್ಭದಲ್ಲಿ ಹಾಕಿಕೊಳ್ಳುವ ಬಟ್ಟೆಯಿಂದ ಹಿಡಿದು, ಆಗಾಗ ನೀರು ಕುಡಿಯುವುದು, ಸರಳವಾದ ವ್ಯಾಯಾಮಗಳನ್ನು ಮಾಡುವುದು ಅಥವಾ ಎದ್ದು ನಡೆದಾಡುವುದು ಮಾಡಿದರೆ ದೇಹದಲ್ಲಿ ಉತ್ತಮ ರಕ್ತ ಸಂಚಾರ ಉಂಟಾಗುತ್ತದೆ.​

    • ರೋಗ ನಿರೋಧಕ ವ್ಯವಸ್ಥೆ ದುರ್ಬಲಗೊಳ್ಳುತ್ತದೆ!

      
      • ಏರ್ ಕಂಡೀಷನರ್ ಉತ್ಪತ್ತಿ ಮಾಡುವ ನಿರಂತರವಾದ ತಂಪು ಹಾಗೂ ಒಣ ಗಾಳಿ ನಮ್ಮ ರೋಗ ನಿರೋಧಕ ವ್ಯವಸ್ಥೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ. ಇದರಿಂದ ನಮ್ಮ ಆರೋಗ್ಯದ ಅಸ್ವಸ್ಥತೆ ಹೆಚ್ಚಾಗುತ್ತದೆ ಮತ್ತು ನಮಗೆ ಸೋಂಕುಗಳು ಕೂಡ ಬರಬಹುದು.
      • ಆರೋಗ್ಯಕರವಾದ ರೋಗನಿರೋಧಕ ವ್ಯವಸ್ಥೆ ಇರಬೇಕು ಎಂದರೆ ಹೆಚ್ಚು ಕಾಲ ಎಸಿಯಲ್ಲಿ ಕಾಲ ಕಳೆಯುವುದನ್ನು ಕಡಿಮೆ ಮಾಡಬೇಕು, ಜೊತೆಗೆ ರೋಡ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪೌಷ್ಟಿಕಾಂಶಗಳನ್ನು ಆಹಾರಗಳ ಮೂಲಕ ತೆಗೆದುಕೊಳ್ಳಬೇಕು. ಆಗಾಗ ಎಸಿ ವಾತಾವರಣ ದಿಂದ ಹೊರ ಬಂದರೆ ಒಳ್ಳೆಯದು.

      • ಆಯಾಸ ಹೆಚ್ಚಾಗುತ್ತದೆ

        
        • ಎಸಿ ವಾತಾವರಣದಲ್ಲಿ ಬದುಕುವವರಿಗೆ ಅಥವಾ ಕೆಲಸ ಮಾಡುವವರಿಗೆ ಬೇಸಿಗೆ ದಿನಗಳಲ್ಲಿ ತೊಂದರೆ ಹೆಚ್ಚು ಎಂದು ಹೇಳಬಹುದು.
        • ಏಕೆಂದರೆ ಬೇಸಿಗೆಯಲ್ಲಿ ಮೊದಲೇ ಆಯಾಸ ಉಂಟಾಗಿರುತ್ತದೆ. ಇನ್ನು ಅದರ ಜೊತೆ ಎಸಿ ಕೊಠಡಿಗಳಲ್ಲಿ ಕೆಲಸ ಮಾಡಲು ಹೆಚ್ಚು ಕಾಲ ಕುಳಿತುಕೊಂಡರೆ ಅದು ಮತ್ತಷ್ಟು ಜಡತ್ವವನ್ನು ತಂದು ಕೊಡುವ ಸಾಧ್ಯತೆ ಇರುತ್ತದೆ.

        • ಕೊನೆ ಮಾತು

          
          • ಹೆಚ್ಚಿನ ಪ್ರಮಾಣದಲ್ಲಿ ಏರ್ ಕಂಡೀಷನಿಂಗ್ ವಾತಾವರಣ ದಲ್ಲಿ ಬದುಕುತ್ತೇವೆ ಎಂದರೆ ಅದು ಸ್ವಂತ ಆರೋಗ್ಯಕ್ಕೆ ಮಾತ್ರವಲ್ಲದೆ ಸುತ್ತಮುತ್ತಲಿನ ವಾತಾವರಣದ ಮೇಲೂ ಕೆಟ್ಟ ಪರಿಣಾಮ ಬೀರುತ್ತದೆ.
          • ಉದಾಹರಣೆಗೆ ವಿದ್ಯುತ್ ಬಿಲ್ ಜಾಸ್ತಿ ಆಗುವುದರಿಂದ ಹಿಡಿದು ದೊಡ್ಡ ಮಟ್ಟದ ಕಾರ್ಬನ್ ಫ್ರೂಟ್ ಪ್ರಿಂಟ್ ಕಂಡು ಬರುವಂತೆ ಮಾಡುತ್ತದೆ.
          • ಹೀಗಾಗಿ ಮಿತವಾಗಿ ಎಸಿ ಬಳಸುವುದು ಉತ್ತಮ. ವಿದ್ಯುತ್ ಉಳಿಕೆ ಮಾಡುವಂತಹ ಇನ್ನಿತರ ಉಪಾಯಗಳನ್ನು ಕಂಡು ಕೊಳ್ಳುವುದು ಒಳ್ಳೆಯದು.