Bank Accounts : ಒಬ್ಬ ವ್ಯಕ್ತಿ ಎಷ್ಟು ಬ್ಯಾಂಕ್ ಖಾತೆಗಳನ್ನು ಹೊಂದಬಹುದು?

Bank Accounts: ಒಬ್ಬ ವ್ಯಕ್ತಿಯು ತನ್ನ ಹೆಸರಿನಲ್ಲಿ ಎಷ್ಟು ಬ್ಯಾಂಕ್ ಖಾತೆಗಳನ್ನು ತೆರೆಯಬಹುದು ಎಂಬುದನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ನಿರ್ದಿಷ್ಟಪಡಿಸಿದೆ. ಪ್ರಸ್ತುತ, ಜನರು ತಮ್ಮ ಅಗತ್ಯಗಳಿಗೆ ಅನುಗುಣವಾಗಿ ಬ್ಯಾಂಕ್ ಖಾತೆಗಳನ್ನು ತೆರೆಯುವ ಆಯ್ಕೆಯನ್ನು ಹೊಂದಿದ್ದಾರೆ. ಇವುಗಳಲ್ಲಿ ಚಾಲ್ತಿ ಖಾತೆಗಳು, ಸಂಬಳ ಖಾತೆಗಳು, ಜಂಟಿ ಖಾತೆಗಳು, ಉಳಿತಾಯ ಖಾತೆಗಳು ಸೇರಿವೆ.

ಉಳಿತಾಯ ಖಾತೆ ಎಂದರೆ ಸಾಮಾನ್ಯವಾಗಿ ಎಲ್ಲರೂ ತೆರೆಯುವ ಮತ್ತು ಹೆಚ್ಚು ಆದ್ಯತೆ ಹೊಂದಿರುವ ಖಾತೆ. ಏಕೆಂದರೆ ಉಳಿತಾಯವು ಹೂಡಿಕೆ ಮಾಡಿದ ಮೊತ್ತದ ಮೇಲೆ ಬಡ್ಡಿಯನ್ನು ಪಡೆಯುತ್ತದೆ. ಭಾರೀ ವಹಿವಾಟು ಹೊಂದಿರುವ ಜನರು ಕರೆಂಟ್ ಅಕೌಂಟ್ ಆಯ್ಕೆ ಮಾಡಿಕೊಳ್ಳಬೇಕು.. ಸಂಬಳ ಪಡೆಯುವ ವ್ಯಕ್ತಿಗಳು ಜಿರೋ ಬ್ಯಾಲೆನ್ಸ್ ಖಾತೆಯನ್ನು ಹೊಂದಿರುತ್ತಾರೆ..

ಒಬ್ಬ ವ್ಯಕ್ತಿ ಎಷ್ಟು ಖಾತೆಗಳನ್ನು ತೆರೆಯಬಹುದು?
ಭಾರತದಲ್ಲಿ ಒಬ್ಬ ವ್ಯಕ್ತಿಯು ತೆರೆಯಬಹುದಾದ ಯಾವುದೇ ನಿರ್ದಿಷ್ಟ ಸಂಖ್ಯೆಯ ಬ್ಯಾಂಕ್ ಖಾತೆಗಳಿಲ್ಲ. ಅಂದರೆ ಅದಕ್ಕೆ ಮಿತಿಯಿಲ್ಲ. ಯಾವುದೇ ವ್ಯಕ್ತಿಯು ತನ್ನ ಇಚ್ಛೆ ಮತ್ತು ಅಗತ್ಯಗಳಿಗೆ ಅನುಗುಣವಾಗಿ ಹಲವು ಬ್ಯಾಂಕ್ ಖಾತೆಗಳನ್ನು ತೆರೆಯಬಹುದು.. ಆರ್‌ಬಿಐ ಇದಕ್ಕೆ ಯಾವುದೇ ಮಿತಿಯನ್ನು ವಿಧಿಸಿಲ್ಲ.

ಆದರೆ, ಹೆಚ್ಚಿನ ಬ್ಯಾಂಕ್ ಖಾತೆಗಳನ್ನು ತೆರೆಯುವಾಗ ಹೆಚ್ಚು ಜಾಗರೂಕರಾಗಿರಬೇಕು. ಎಲ್ಲಾ ಖಾತೆಗಳನ್ನು ಕನಿಷ್ಠ ಬ್ಯಾಲೆನ್ಸ್‌ನೊಂದಿಗೆ ನಿರ್ವಹಿಸಬೇಕು ಮತ್ತು ಬ್ಯಾಂಕಿಂಗ್‌ನ ಎಲ್ಲಾ ನಿಯಮಗಳನ್ನು ಅನುಸರಿಸಬೇಕು.